روسی ہاؤس کراچی میں “رشین پوئیٹری ڈے” کی ایک شاندار اور پُر جوش تقریب کا انعقاد کیا گیا، جس میں 5 سال سے لے کر 50 سال تک کی عمر کے 25 سے زائد شرکاء نے بھرپور شرکت کی۔ یہ تقریب عظیم روسی شعرا کی ادبی وراثت کو خراجِ تحسین پیش کرنے کے لیے منعقد کی گئی , مقابلے میں اردو، انگریزی اور روسی زبانوں میں کلام پڑھنے کے لیے ایک منفرد پلیٹ فارم فراہم کیا گیا۔شرکاء نے اپنے پُر اثر انداز میں شاعری پیش کی، اور حاضرین کی توجہ کو اپنی گرفت میں لیے رکھا ۔ تقریب کا ماحول بہت منظم رہا۔
تقریب کی میزبانی ربیعہ علی فریدی نے جناب آصف الیاس کے ساتھ مل کر نہایت خوبصورتی اور دلنشینی سے انجام دی، ان کی پرکشش میزبانی نے تقریب کو مزید دلکش بنا دیا۔
آصف الیاس جو کے ریڈیو اور تھیٹر کا مشہور نام ہیں ۔
اردو شاعری کی پڑھت میں اول آئیں شاہ لیزے جب کے انگلش نظم کو خوبصورتی سے پیش کرنے پر چھوٹے سے خضر ساجدی اول نمبر پر آئے، روسی میں شاعری پیش کرنے پر اول آئے وجاہت ، یہ ججز کے لیے ایک مشکل مرحلہ تھا ،
مقابلے کے اختتام پر تمام شرکاء کو اسناد، شیلڈز، اور تحائف سے نوازا گیا تاکہ ان کے شوق کی حوصلہ افزائی کی جا سکے۔
معزز ججز میں شامل تھے جناب رسلان ایم۔ پروخوروف – چیئرمین جیوری، نائب قونصل اور روسی مرکز برائے سائنس و ثقافت پاکستان کے ڈائریکٹرجناب ندیم ظفر صدیقی – ڈپٹی چیئرمین جیوری، ادبی منتظم اور ثقافتی شخصیت ڈاکٹر حسین تھیبو – تجارتی امور کے ماہر، صحافی اور میڈیا ایکسپرٹ محترمہ نازیہ غوث – شاعرہ اور ماہر تعلیم محترمہ فریحہ عاقب – اسسٹنٹ ڈائریکٹر روسی ہاؤس کراچی، ادیبہ اور تھیٹر کوآرڈینیٹرمحترمہ ثنا ارسلان – ممتاز پاکستانی کاروباری شخصیت، جو کئی سال روس میں مقیم رہیں اور پاکستان کی سرکردہ کاروباری خواتین میں شامل رہی ہیں تقریب کے بعد مہمانوں اور شرکاء کی تواضع ایک پرتکلف ہائی ٹی سے کی گئی، جس نے، گفتگو اور ثقافتی ہم آہنگی کے لمحات کو مزید خوبصورت بنا دیا۔روسی ہاؤس ادب اور ثقافت کے فروغ اور پاکستان و روس کے عوام کے درمیان قریبی تعلقات کو مستحکم کرنے کے اپنے مشن پر کاربند ہے۔
—
